Миланнинг "Интер" клуби ярим ҳимоячиси Генрих Мхитарян жорий мавсум ҳақида фикр билдирди. У янги мураббий - руминиялик Кристиан Кивунинг ишига баҳо бериш учун мавсум тугашини кутишни таклиф қилди.
"Биз ёмон бошламадик, гарчи бундан ҳам яхшироқ бўлиши мумкинлигига қўшиламан. Ҳозир биз ўз дастуримиз ва режамиз бўйича ишлаяпмиз. Клубдаги ўзгаришлар ва бу мақсадларга қандай таъсир қилганига баҳо бериш учун мавсум тугашини кутиш керак," - дея Мхитаряннинг сўзларини келтиради fciter1908.it.
Айни дамда миланликлар Италия чемпионати турнир жадвалида пешқадамлик қилмоқда. Унинг собиқ устози Симоне Индзаги даврида "Интер" сўнгги уч йил ичида икки марта Чемпионлар Лигаси финалида ўйнади.













