"Манчестер Юнайтед" ярим ҳимоячиси Мэйсон Маунт ўзининг футболчилик фаолияти ҳақида фикр билдирди.
"Менимча, ёшлик чоғимда инқирозлар кўп бўлмаган. Мен кўп ғалабаларга эришган кучли жамоаларда ўйнаш имкониятига эга бўлганим жуда омадли ҳолат эди. Бироқ ёшинг улғайган сари паст-баландликлар муқаррарлигини тушуниб етасан. Мен дуч келган мағлубиятлар - бу муҳим ўйинлар ёки финалларда ютқазишлардир. Буни албатта ўрганиш ва енгиб ўтиш зарур," - дея таъкидлади Маунт Sky Sports нашрига.
Жума куни "Манчестер Юнайтед" Премьер-лигада "Ньюкасл"ни ўз майдонида қабул қилади.
