Ёш Давиде Бартезагининг "Милан"даги муваффақиятлари Европанинг энг яхши ва бой клубларини қизиқтириб қўйди - Tuttomercatoweb хабарига кўра, улар орасида Лондоннинг "Арсенал" клуби ҳам бор. Бироқ, "Милан" 2030 йилгача мўлжалланган узоқ муддатли шартномага эга бўлган футболчи билан хайрлашмоқчи эмас.
Бартезагининг атрофидагилар эса мавжуд келишув доирасида футболчининг маоши оширилишига умид қилмоқда. Футболчининг келажаги ва мотивацияси кўп жиҳатдан шунга боғлиқ бўлади.
"Милан" айни дамда А Серия турнир жадвалида 2-ўринни эгаллаб турибди. Якшанба куни клуб Италия чемпионатининг навбатдаги турида "Верона"га қарши майдонга тушади.
