Мадриднинг "Реал" клуби "АЗ Алкмаар"дан Кеес Смит ва "Кристал Пэлас"дан Адам Уортонни кузатишда давом этмоқда.
"Қироллик клуби" скаутлари ҳар икки футболчининг ўйинини ўрганиб, мунтазам равишда ижобий шарҳлар билан ҳисобот тайёрламоқда, деб ёзади журналист Марио Кортехана. 19 ёшли нидерландиялик ва 21 ёшли англиялик футболчини ўз сафига қўшиб олиш имконияти жорий мавсум бошида, Дани Себальоснинг кетиши ҳақида гап-сўзлар тарқалган пайтда кўриб чиқилган эди.
Transfermarkt экспертлари Кеес Смитнинг нархини 22 млн еврога, Адам Уортоннинг нархини эса 60 млн еврога баҳоламоқда. Иккала хавбек ҳам Европа грандлари орасида талабгир.
