"Ливерпуль" бош мураббийи Арне Слот ҳужумчи Уго Экитикенинг ўзига хослигини таъкидлади.
Француз ўтган ёзда "қизиллар" томонидан Франкфуртнинг "Айнтрахт" клубидан 95 млн еврога харид қилинганди.
"Экитике - жамоамиздаги энг тезкор футболчилардан бири. Кўплаб топ-жамоаларда бир, икки ёки уч нафардан ўта тезкор футболчилар борлигини кўриб турибман ва бу сифатни таркибимизга қўшгим келди.
Ўтган мавсумда "ПСЖ" сафида Дембеле, Барколя ва Дуэга қарши ўйнадик - учаласи ҳам жуда тезкор. Биз Экитикенинг ҳам шундай таъсир кўрсатишини хоҳлагандик," - деди Слот матбуот анжуманида.
Уго Экитик "Ливерпуль" сафида 24 та ўйинда 11 та гол ва битта голли узатмани амалга оширган.
