"Челси" "Ренн" марказий ҳимоячиси Жереми Жаке ва "Сент-Этьен" ҳужумчиси Жилиан Нгессанни кузатиб бормоқда. Бу ҳақда The Athletic хабар бермоқда.
Манбага кўра, ҳозирча Лондон клуби юқоридаги футболчиларни сотиб олиш бўйича аниқ ҳаракатларни амалга оширмаган.
Шунингдек, таъкидланишича, "Челси"да Ромео Лавианинг жароҳатлари туфайли ёзда марказий ярим ҳимоя зонасини кучайтириш варианти кўриб чиқилмоқда.
20 ёшли Жаке жорий мавсум Лига 1да 15та ўйинда майдонга тушди ва уларда гол ура олмади. 17 ёшли Н'Гессан барча турнирларда учта ўйин ўтказиб, битта гол урган.
