Африка миллатлари кубогининг 2-тури доирасида Бенин ва Ботсвана терма жамоалари ўртасидаги учрашув якунланди. Унда Бенин жамоаси 1:0 ҳисобида ғалаба қозонди. Баҳс Марокашнинг Работ шаҳрида жойлашган «Работ Олимпик» стадионида бўлиб ўтди.

Ушбу ўйиндаги ягона голни 28-дақиқада Йоан Рош киритди ва шу орқали Бенин жамоасига ғалаба олиб келди.

Бу натижадан сўнг Бенин 3 очко билан D гуруҳида турнир жадвалининг учинчи ўрнида бормоқда. Ботсвана эса ҳали очко тўплай олмаган ҳолда жадвални ёпиб турибди. ДР Конго ва Сенегал терма жамоаларида ҳам 3 очкодан бор ва уларнинг биттадан захирада ўйини мавжуд.

Африка миллатлари кубоги — 2025 Марокашда ўтказилмоқда. Мусобақада олти гуруҳга бўлинган 24 та миллий терма жамоа иштирок этмоқда. Турнир 18 январга қадар давом этади. Африка миллатлари кубогининг амалдаги ғолиби — Кот-д’Ивуар терма жамоаси.

Африка миллатлари кубоги. D гуруҳи. 2-тур
27 декабрь 2025 йил, шанба.
Бенин — Ботсвана - 1:0
Гол: 1:0 — Йоан Рош (28-дақиқа)