"Челси" футболчиси Рис Жеймс АПЛ доирасидаги "Астон Вилла"га (1:2) қарши ўйиндан сўнг интервью берди.
"Уйда ютқазиш ҳар доим аламли. Дастлабки 60-65 дақиқада устунлик қилдик. "Астон Вилла"да бир соатлик ўйинда голли вазиятлар бўлмади, аммо кейин рақиб гол урди - ўшанда ҳаммаси ўзгарди. Бир-икки вазият ўйинни ўзгартириб юборди. Эҳтимол, уларнинг ўзгаришлари таъсир кўрсатгандир, лекин уддалаб бўлмайдиган нарса йўқ эди. Ўзимиз айбдормиз - хатоларимиз учун жазоландик. Бу дунёдаги энг кучли лига," - деди Рис Жеймс Sky Sports билан суҳбатда.
30 декабрь куни Энцо Марески жамоаси ўз майдонида "Борнмут"га қарши баҳс олиб боради.
