Мадриднинг "Реал" клуби "ПСЖ" ўнг қанот ҳимоячиси Ашраф Ҳакимийга қизиқиш билдирмоқда ва уни 2026 йилда жамоага қайтаришга ҳаракат қилиб кўриши мумкин.

Marca нашри хабарига кўра, 27 ёшли марокашлик футболчи собиқ клубига бўлган меҳрини ҳеч қачон яширмаган ва ҳозирда унинг сафида ўйнаш учун керакли даражага етганини ҳис қилмоқда.

Ҳозирда "ПСЖ" билан 2029 йил ёзигача мўлжалланган шартнома трансфердаги асосий тўсиқ бўлиши мумкин. Парижликлар асосий футболчиларидан бирини азалий рақибларидан бирига осонликча бериб қўймайди.

Transfermarkt портали 80 миллион еврога баҳолаётган Ашраф "қироллик клуби" тарбияланувчиси ҳисобланади. У 2015 йилдан 2020 йилгача испан грандига тегишли бўлган. Жамоа учун жами 17 та ўйинда 2 та гол уриб, 1 та ассист берган.