Португалия терма жамоаси ва "Порту" дарвозабони Диогу Кошта ўз клуби билан янги шартнома имзолади.
"Аждарлар" матбуот хизмати хабарига кўра, 26 ёшли дарвозабон билан 2030 йилгача мўлжалланган янги шартнома имзоланган.
Коста ҳозирда дунёнинг энг қиммат дарвозабонларидан бири ҳисобланади. Transfermarkt уни 40 миллион еврога баҳоламоқда.
У "Порту" тарбияланувчиси ҳисобланади. Жамоа учун 219 та ўйинда 184 та гол ўтказиб юборган ва 96 бор дарвозаси дахлсизлигини сақлаб қолган.













