Diario Sport нашри 2024 йил май ойида Рафа Маркес ўрнига Ханси Фликни "Барселона"га бош мураббий сифатида тайинланишига оид тафсилотларни ошкор қилди:

— Деку ва Боян Кркич Фликнинг агенти Пини Захавининг Лондондаги уйига келишган. Флик учрашувга тўлиқ тайёр ҳолда келган ва ўзининг iPad'ида ўйин фалсафасини, таркиб таҳлилини ва режаларини тақдим этган.

— Флик таркибнинг салоҳиятидан келиб чиқиб, жамоа нима сабабдан жиддий совринлар учун курашмаётганини тушунмаётганини айтган.

— Флик Ла Масия борасида батафсил ҳисботни тақдим этиб, ёш футболчиларни асосий жамоага жалб қилиш йўлларини белгилаган.

— Флик учрашувда Ямал, Педри ва Кубарси каби футболчиларни дунёнинг энг яхшиларидан бўлишлари учун салоҳиятга эга эканликларини билдирган.

— Деку ва Бояннинг асосий хавотири Фликнинг испан тилини билмаслиги бўлган, лекин Флик бу муаммо бўлмаслигини таъкидлаган.

- Учрашувдан кейин Флик ҳақида катта ҳисобот тайёрланган ва Лапортага топширилган. Лапорта шу заҳотиёқ Фликнинг номзодини маъқуллаган.

Флик бошқа яхшироқ таклифларга қарамай, "Барселона"да ишлашни истаган.

60 ёшли немис мураббийининг "кўк-анорранглилар" билан амалдаги шартномаси 2027 йил ёзигача мўлжалланган.