"Барселона" футболчиси Гави Мадриднинг "Реал" клуби билан рақобати ҳақида фикр билдирди.
"Кўк-анорранглилар" Ла Лига турнир жадвалида 18-турдан кейин пешқадамлик қилмоқда ва "қаймоқранглилар"ни 4 очкога ортда қолдирмоқда.
"Кўриниб турибдики, "Реал" - Испания ичидаги асосий рақобатчимиз, аммо ўтган мавсумда биз нималарга қодир эканлигимизни кўрсатдик. Ҳозир ҳам жамоамиз зўр кўринмоқда.
Жорий мавсум "Барса" учун ажойиб ўтмоқда, аммо энг муҳими ҳали олдинда - ҳаммаси охирида ҳал бўлади. Биз бўшашишимиз керак эмас, шу руҳда давом этишимиз керак," - дея Гавининг интервьюсидан иқтибос келтиради Managing Barca.
