"Барселона" ярим ҳимоячиси Гави аввалги даражасига қайта олишига ишонмоқда.
Ёзда юлдузли испаниялик яна тиззаси билан боғлиқ муаммоларни бошдан кечира бошлади - охир-оқибат унга жарроҳлик амалиёти керак бўлди. Хавбек қиш охирига яқин сафга қайтиши тахмин қилинмоқда.
"Ишончим комилки, жароҳатдан тикланиб, яна ўйнаш имкониятига эга бўлганимда аввалги Гави бўламан," - дея 21 ёшли футболчининг сўзларини келтиради журналист Фернандо Поло.
"Бундай жароҳатлар сабрга ўргатади. Энг қийини, майдонга туша олмай туриб, жамоадошларнинг ўйинини четдан кузатиш. Қайтишимни интизорлик билан кутяпман," - деди футболчи.
Гави жорий мавсумда бор йўғи 2та ўйинда майдонга тушишга улгурди.
