Марказий ҳимоячи Рональд Араухо тез орада "Барселона" қароргоҳига қайтади.
Уругвайлик ноябрь ойидан бери йўқ - унга психологик қийинчиликлар туфайли таътил берилган. Куни кеча футболчининг сафга қайтиши чўзилиб кетиши мумкинлиги ҳақида хабарлар тарқалди. Журналист Фернандо Полонинг янгиланган маълумотларига кўра, вазият назорат остида: ҳамма нарса Араухонинг душанба куни жамоавий машғулотларга киришишини кўрсатмоқда.
3 январь куни "Барселона" сафарда "Эспаньол" меҳмони бўлади. Рональд Араухо каталонияликлар сафидаги сўнгги ўйинини 25 ноябрь куни ўтказган - ўшанда у "Челси"га қарши ўйиннинг биринчи бўлимида (0:3) қизил карточка олганди.
