"Эвертон" ҳужумкор ярим ҳимоячи Жек Грилишни сотиб олиш кераклигига ишонмаяпти.

30 ёшли футболчи "Манчестер Сити"дан мавсум охиригача ижарага олинган. Шартномада 50 миллион фунт стерлинг (57 миллион евродан ортиқ) эвазига сотиб олиш банди кўрсатилган, бироқ "ирислар" нархни жуда юқори деб ҳисобламоқда ва битимнинг мақсадга мувофиқлигига шубҳа қилмоқда, деб ёзади Football Insider, шу сабабли трансфер амалга ошмаслиги мумкин. Инглизнинг ўзи эса ҳамон "Эвертон"да қолишни ва Давид Мойес қўл остида фаолиятини давом эттиришни истамоқда.

Жек Грилиш Премьер-лиганинг жорий мавсумида 16 ўйинда 2та гол ва 4та ассистни ўз ҳисобига ёздириб қўйди. Transfermarkt сайтида футболчининг нархи - 25 млн евро.