"Everton" hujumkor yarim himoyachi Jek Grilishni sotib olish kerakligiga ishonmayapti.
30 yoshli futbolchi "Manchester Siti"dan mavsum oxirigacha ijaraga olingan. Shartnomada 50 million funt sterling (57 million yevrodan ortiq) evaziga sotib olish bandi ko‘rsatilgan, biroq "irislar" narxni juda yuqori deb hisoblamoqda va bitimning maqsadga muvofiqligiga shubha qilmoqda, deb yozadi Football Insider, shu sababli transfer amalga oshmasligi mumkin. Inglizning o‘zi esa hamon "Everton"da qolishni va David Moyes qo‘l ostida faoliyatini davom ettirishni istamoqda.
Jek Grilish Premyer-liganing joriy mavsumida 16 o‘yinda 2ta gol va 4ta assistni o‘z hisobiga yozdirib qo‘ydi. Transfermarkt saytida futbolchining narxi - 25 mln yevro.













