"Барселона" "Эспаньол"га қарши ўйинда марказий ҳимоячи Рональд Араухога умид боғлай олмайди.

Бугуннинг ўзидаёқ уругвайлик футболчи жамоа билан машғулотларга қайтади, бироқ унинг дербида майдонга тушишини кутиш керак эмас, дея хабар бермоқда Diario Sport. 26 ёшли футболчи "кўк-анорранглилар" ўйинларида қачон иштирок этишга тайёр бўлиши ҳозирча номаълум. Қарорни унинг ўзи қабул қилиши керак.

Эслатиб ўтамиз, Рональд Араухо ноябрь ойида Чемпионлар лигаси доирасида "Челси"га қарши кечган ўйинда (0:3) биринчи бўлимда майдондан четлатилганидан кейин руҳий муаммоларга дуч келган эди. Каталония клуби хотиржам муҳитда куч тўплаши учун ҳимоячини таътилга қўйиб юборди.