"Бавария" ва "Реал" клублари собиқ футболчиси Тони Кроос "қироллик клуби"да бразилиялик футболчилар билан қандай муносабатда бўлгани ҳақида гапириб берди.
"Бразилия футболини болалигимдан яхши кўраман. Мадридда Винисиус, Милитао ва Каземиро билан яхши муносабатда бўлдим. Бу йигитлар билан тил топишиш осон эди. Айниқса, Винисиус билан майдондаги алоқаларимиз яхши эди. У менинг узатмаларимдан, мен эса унинг тезлигидан фойдаландим," - дея собиқ ярим ҳимоячининг сўзларини келтиради AS.
Эслатиб ўтамиз, германиялик футболчи 2014-2024 йиллар давомида "қироллик клуби" шарафини ҳимоя қилган. "Қаймоқранглилар" либосида Кроос беш марта Европа Чемпионлар Лигаси ғолиби бўлган.
