Ярим ҳимоячи Жесси Лингард Жанубий Кореяни тарк этиб, Европага қайтишга тайёргарлик кўрмоқда. "Сеул"нинг 33 ёшли футболчисига Испания Ла Лигасида талаб бор: Fichajes хабарига кўра, "Манчестер Юнайтед" тарбияланувчисига "Севилья", "Сельта" ва "Реал Овьедо" даъвогарлик қилмоқда. Англиялик 1 январдан эркин агентга айланади, шунинг учун уни трансфер пулисиз қўлга киритиш мумкин.
Жесси Лингард "Сеул" сафида 2024 йилнинг февралидан буён тўп суриб келаётганди. Футболчи Жанубий Корея жамоаси сафида 67 та ўйинда майдонга тушиб, 19 та гол урган ва ўнта голли узатмани амалга оширган. Ҳужумкор ярим ҳимоячининг ҳозирги трансфер нархи Transfermarkt талқинига кўра 2,2 млн еврони ташкил қилмоқда.
