"Барселона" ҳужумчиси Роберт Левандовски мавсум якунлангач, клубни тарк этиши мумкин.
Польякнинг шартномаси ярим йилдан кейин тугайди, келишувни узайтириш бўйича музокаралар ҳали давом этмаяпти. Аввалроқ, 37 ёшли форвардни Американинг "Чикаго Файр" клуби жиддий нишонга олаётгани, клуб вакиллари футболчининг агенти билан учрашгани ҳақида хабарлар тарқалган эди. Sky Sports хабарига кўра, пойгада Туркиянинг "Фенербахче" клуби ҳам бор, Каталония гранди юлдузига Саудия Арабистони чемпионати вакиллари орасида ҳам талаб бор.
Роберт Левандовскининг ўзи яқинда берган интервьюсида келаси мавсумда қаерда бўлишини ҳали ҳам тасаввур қила олмаслигини тан олди.
