Лондоннинг "Арсенал" клуби ҳужумчиси Кай Хаверц тез орада яна майдонда кўриниш бериши мумкин. Футболчи бу мавсумда бор-йўғи 1 та ўйинда иштирок этди, кейин тиззасидан оғир жароҳат олиб, сафдан чиқди.
26 ёшли футболчи август ойи ўрталаридан бери майдонга тушмаяпти - у Премьер-лига 1-туридан ўрин олган "Манчестер Юнайтед"га қарши ўйинда жароҳат олганди. HandofArsenal хабарига кўра, ҳужумчи "канонирлар"нинг сешанба куни бўлиб ўтадиган "Астон Вилла"га қарши ўйин қайдномасига киритилган.
"Арсенал" - "Астон Вилла" учрашуви Тошкент вақти билан 01:15да бошланади.
