"Бавария" ярим ҳимоячиси Леон Горецка қишки трансфер ойнасида "Тоттенхэм"га ўтмайди.
Сўнгги кунларда "шпорлар" 30 ёшли футболчига асосий даъвогар қаторида тилга олинаётганди, бироқ Германияда бу миш-мишлар тасдиқланмаяпти. Таниқли журналист Флориан Плеттенберг хабарига кўра, "Тоттенхэм" Горецка трансфери устида ишламаяпти. Айни пайтда хавбекнинг январда "Бавария"ни тарк этиши эҳтимоли ҳақида ҳеч нарса айтилмаяпти.
Леон Горецканинг мюнхенликлар билан амалдаги шартномаси ярим йилдан кейин ўз ниҳоясига етади, аммо клуб футболчи билан мавсум давомида хайрлашишга қизиқмаяпти. Бош мураббий Венсан Компани ҳамон тажрибали немисга умид боғламоқда.
