"Милан"нинг хорватиялик ярим ҳимоячиси Лука Модрич болалигингизда ростдан ҳам "россонерилар" мухлиси бўлганмисиз, деган саволга жавоб берди.
- Тўғри. "Милан"га болалигимдаги кумирим - 1998 йилда Францияда бўлиб ўтган жаҳон чемпионатида қаҳрамонлик кўрсатган Хорватия сардори Звонимир Бобан туфайли мухлислик қилганман," - дея Модричнинг сўзларини келтиради Corriere dello Sport.
Модрич "Милан" сафига 2025 йилнинг ёзида келиб қўшилганди. Ўшандан бери 40 ёшли ярим ҳимоячи барча турнирларни ҳисобга олган ҳолда 19 та ўйинда майдонга тушиб, битта гол урди ва иккита голли узатмани амалга оширди.
Модричнинг "Милан" билан меҳнат шартномаси яқин ёзгача мўлжалланган.
