«Милан» клуби ва Хорватия терма жамоаси ярим ҳимоячиси Лука Модрич татуировкаларга бўлган муносабати ҳақида фикр билдирди. Хавбекнинг айтишича, у татуировкаларни ёқтирмайди.
— Деярли барча футболчиларда татуировка бор, сизда эса йўқ. Нима учун?
— Чунки менга ёқмайди. Ҳеч қачон ёқтирмаганман. Балки баъзиларини ёқтиришим мумкин, айрим пайтларда улар чиройли ҳам бўлади, лекин бошқаларнинг танасида. Менинг баданимда эса — йўқ. Албатта, татуировка қилдирганларга нисбатан ҳеч қандай қаршилигим йўқ, — дея Модричнинг сўзларини Corriere della Sera келтиради.













