«Челси»нинг собиқ бош мураббийи Энцо Мареска Англия Премьер-лигаси тарихида (1992 йилдан бери) Янги йилнинг биринчи кунида лавозимидан озод этилган илк мураббийга айланди. Бу ҳақда Opta ижтимоий тармоқ X орқали хабар берди.
Бугун, 1 январь куни «кўклар» италиялик мутахассис билан ҳамкорлик тўхтатилганини расман эълон қилди. Мареска бунгача «Лестер», «Парма» ва «Манчестер Сити» клубларида фаолият олиб борган. Илгари «Челси» раҳбарияти Марескага яқин орада ўринбосар топишни режалаштираётгани ҳақида хабарлар тарқалган эди.
Жорий мавсумда АПЛда ўтказилган 19 та учрашувдан сўнг лондонликлар 30 очко жамғариб, турнир жадвалида бешинчи ўринни эгаллаб турибди. «Челси» пешқадам «Арсенал»дан 15 очко ортда қолмоқда.













