Англиянинг «Челси» клуби собиқ бош мураббийи Энцо Мареска жамоадан бўшатилганидан сўнг компенсация олишдан воз кечди. Бу ҳақда talkSPORT хабар берди.
«Челси» бугун, 1 январь куни Энцо Мареска билан шартнома бекор қилинганини расман эълон қилди. Мутахассиснинг клуб билан тузган шартномаси 2029 йил ёзига қадар мўлжалланган эди.
Ҳозирда «Челси» Англия Премьер-лигасининг 2025/2026 йилги мавсуми турнир жадвалида бешинчи ўринни эгаллаб турибди. Жамоа 19 та ўйиндан сўнг 30 очко жамғарган. Пешқадамлик қилаётган «Арсенал» 45 очкога эга.
Англия чемпионатининг навбатдаги турида «Челси» сафарда «Манчестер Сити»га қарши баҳс олиб боради. Учрашув якшанба, 4 январь куни бўлиб ўтади.













