ОКМК ФК жамоаси ва ярим ҳимоячи Акрамжон Комилов ўртасида ўзаро тузилган шартнома муддати якунига етгани муносабати билан футболчи клубни тарк этди.
"2021 йилдан буён ОКМК ФК сафида тўп суриб келган Акрамжон Комилов жамоа либосида барқарор ва фидокорона фаолият олиб борди. Ушбу давр мобайнида у барча мусобақаларни инобатга олган ҳолда, умумий ҳисобда 93 та учрашувда майдонга тушиб, рақиб дарвозасини бир бор ишғол этди ҳамда жамоа ғалабаларига муносиб ҳисса қўшди.
ОКМК ФК Акрамжон Комиловга клуб ривожи йўлида қўшган ҳиссаси учун чуқур миннатдорлик билдиради ва келгусидаги фаолиятида муваффақиятлар тилайди", — дейилади клуб матбуот хизмати тарқатган хабарда.













