ESPN манбасига кўра, "Челси" собиқ бош мураббий Энцо Марескининг хатти-ҳаракатларидан хавотирга тушган, чунки 45 ёшли мутахассис раҳбариятга нисбатан норозилигини тобора кўпроқ ошкора билдираётган эди.
1 январь куни "Челси" 2024 йилнинг ёзидан бери жамоани бошқариб келаётган италиялик мутахассиснинг истеъфога чиқарилганини эълон қилди.
Манбанинг маълум қилишича, Маресканинг норозилиги бир марталик можаро билан эмас, балки футболчиларга бериладиган юклама бўйича тиббий тавсиялар юзасидан келишмовчиликлар билан боғлиқ бўлган.
Манбаларнинг таъкидлашича, Маресканинг оммавий баёнотлари ҳатто унинг ўз штаби аъзолари учун ҳам кутилмаган ҳолат бўлган.
Ўтган ойда Мареска жамоадаги фаолияти давомида "энг оғир 48 соат"ни бошдан кечирганини айтган эди.
Лондонликлар италиялик мураббий қўл остида Конференциялар лигаси ва клублараро жаҳон чемпионати ғолиби бўлишди. 19-турдан сўнг "Челси" 30 очко билан АПЛда олтинчи ўринда бормоқда.
