"Тоттенхэм" ҳужумчи Бреннан Жонсонни "Кристал Пэлас"га трансфер қилишга келишиб олди, дея хабар бермоқда инсайдер Фабрицио Романо.
Томонлар битимнинг якуний тафсилотларини муҳокама қилишмоқда. "Шпорлар" футболчига янги клуби билан шартнома бўйича музокаралар олиб боришга рухсат беришди.
Жонсон 2023 йилда 55 миллион евро эвазига "Ноттингем Форест"дан "Тоттенхэм"га ўтганди. 24 ёшли уэльслик футболчи 2025/26 йилги мавсумда 22 та ўйинда майдонга тушиб, 4 та гол урган. У "шпорлар" сафида жами 106 та ўйин ўтказиб, 27 та гол урган ва 18 та голли узатмани амалга оширган.
