«Реал»нинг қанот ҳужумчиси Родриго Гоэс жорий қишда клубни тарк этиш ниятида. Айни пайтда бразилиялик вингер икки топ-клуб билан музокаралар олиб бормоқда. Бу ҳақда Sport.es хабар бермоқда.

Манба маълумотларига кўра, «Арсенал» ва «Манчестер Сити» Родригога асосий даъвогарлар ҳисобланади. Шу билан бирга, «Ливерпуль» ҳам футболчини ўз сафига қўшиш учун курашга қўшилиши мумкинлиги истисно этилмаяпти. Таъкидланишича, ҳужумчининг «Реал»дан трансфери мазкур клубларга тахминан 100 млн еврога тушиши мумкин.

Жорий мавсумда Родриго барча мусобақаларда 21 та учрашувда иштирок этиб, 2 та гол ва 4 та голли узатмага муаллифлик қилган. Футболчининг клуб билан амалдаги шартномаси 2028 йил ёзига қадар амал қилади. Transfermarkt портали маълумотларига кўра, унинг бозор қиймати 60 млн еврони ташкил этади.