"Барселона" дарвозабони Марк-Андре тер Штеген ҳали ҳам "Жирона"га кўчиб ўтиши мумкин.

"Оқ-қизиллар" немисни мавсум охиригача ижарага олиш ҳақида ўйламоқда, бироқ бош мураббий Мичел барча маблағ "Барса"нинг юлдуз дарвозабони учун сарфланишини истамаяпти, деб ёзади Sport. "Жирона" устози тер Штегенни ўзи айтганидек "топ-даражадаги дарвозабон" деб ҳисоблайди, аммо у кўпроқ мудофаа ва ўрта чизиқни мустаҳкамлашга қизиқади.

Спорт директори Кике Карсель вазиятга бошқача қарамоқда: у тер Штегенни "Жирона"да кўришни жуда хоҳлайди ва агар футболчининг ўзи розилик берса, трансфер амалга ошиши учун қўлидан келган барча ишни қилади.