"Манчестер Юнайтед" яримҳимоячиси Кобби Майну Рубен Аморим қўл остида ўтказган энг яхши 13 ой бўлмаганига қарамай, фаолиятини "қизил иблислар" сафида давом эттиришга бел боғлаган. Бу ҳақда The Sun хабар бермоқда.
Манбага кўра, Майну ва Аморим ўртасидаги муносабатлар кескин, аммо манкунианликлар тарбияланувчиси жамоани тарк этишни истамаяпти. Ўтган ёзда "Манчестер Юнайтед" 20 ёшли футболчининг ижара ҳақидаги илтимосини рад этганди. Майну январда яримҳимоячи Бруну Фернандешнинг жароҳати туфайли ижарага кетиши даргумон.
Жорий мавсумда ярим ҳимоячи барча мусобақаларда 12 та ўйинда майдонга тушиб, 1 та голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган.
