Бугун, 3 январь куни "Челси" директорлар кенгаши фавқулодда йиғилиш ўтказади, бу ушбу ҳафтадаги иккинчи йиғилиш бўлади. Indykaila News хабарига кўра, клубда янги бош мураббий тайинлаш масаласида жиддий келишмовчиликлар юзага келган. Раҳбарият ҳали бу лавозимга номзод бўйича якдил қарорга келгани йўқ.

Ички келишмовчиликларга қарамай, Лиам Росенер Лондон клуби бош мураббийлигига асосий даъвогар бўлиб қолмоқда. У айни дамда "Страсбург"ни бошқармоқда ва энг муносиб номзод сифатида кўрилмоқда.

"Челси" 1 январь куни Энцо Марески истеъфога чиқарилганидан бери бош мураббийсиз қолди.