«Реал» бош мураббийи Хаби Алонсо жамоа ҳужумчиси Килиан Мбаппенинг ҳолати ҳақида фикр билдирди.

«Биз олдиндан белгиланган режа асосида ҳаракат қиламиз. Кўп нарса футболчининг жисмоний ҳолатига боғлиқ, бизнинг вазифамиз эса уни энг мақбул муддатларда майдонга қайтариш учун қўлимиздан келган барча ишни қилиш. Бу қачон рўй бериши ҳақида аниқ айтиш қийин. Ҳозирча менда аниқ жавоб йўқ.

Янада аниқ маълумотни навбатдаги ўйин олдидан ўтказиладиган матбуот анжуманида бера оламан. Ҳар бир баҳсдан кейин футболчининг ҳолатини қайта баҳолаймиз, унинг ҳис-туйғуларини инобатга оламиз ва шундан сўнг зарур қарорларни қабул қиламиз.

Тикланиш жараёнини диққат билан кузатиб бориш жуда муҳим, шунинг учун унинг имкони борича тезроқ сафга қайтиши учун бор кучимизни ишга соламиз», — дея Алонсо сўзларини клуб сайти келтиради.

Эслатиб ўтамиз, бугун «Реал» Ла Лига доирасида «Бетис»га қарши баҳс олиб боради. Кейин эса жамоани камида Испания Суперкубоги доирасида битта ўйин кутиб турибди. Ярим финалда «Реал» «Атлетико» билан тўқнаш келади.

Аввалроқ Мбаппеда тизза жароҳати борлиги хабар қилинган эди.