«Real» bosh murabbiyi Xabi Alonso jamoa hujumchisi Kilian Mbappening holati haqida fikr bildirdi.

«Biz oldindan belgilangan reja asosida harakat qilamiz. Ko‘p narsa futbolchining jismoniy holatiga bog‘liq, bizning vazifamiz esa uni eng maqbul muddatlarda maydonga qaytarish uchun qo‘limizdan kelgan barcha ishni qilish. Bu qachon ro‘y berishi haqida aniq aytish qiyin. Hozircha menda aniq javob yo‘q.

Yanada aniq ma’lumotni navbatdagi o‘yin oldidan o‘tkaziladigan matbuot anjumanida bera olaman. Har bir bahsdan keyin futbolchining holatini qayta baholaymiz, uning his-tuyg‘ularini inobatga olamiz va shundan so‘ng zarur qarorlarni qabul qilamiz.

Tiklanish jarayonini diqqat bilan kuzatib borish juda muhim, shuning uchun uning imkoni boricha tezroq safga qaytishi uchun bor kuchimizni ishga solamiz», — deya Alonso so‘zlarini klub sayti keltiradi.

Eslatib o‘tamiz, bugun «Real» La Liga doirasida «Betis»ga qarshi bahs olib boradi. Keyin esa jamoani kamida Ispaniya Superkubogi doirasida bitta o‘yin kutib turibdi. Yarim finalda «Real» «Atletiko» bilan to‘qnash keladi.

Avvalroq Mbappeda tizza jarohati borligi xabar qilingan edi.