Африка миллатлари кубогининг 1/8 финал босқичида Мали ва Тунис терма жамоалари ўртасидаги учрашув якунланди. Баҳснинг асосий вақти ва қўшимча бўлимлари 1:1 ҳисобида тугади. Пенальтилар сериясида эса омад Мали томонида бўлди — 3:2.

Учрашувнинг 26-дақиқасида Мали терма жамоаси футболчиси Войо Кулибали қизил карточка олди. 89-дақиқада Фирас Шауат Тунисни олдинга олиб чиқди. 90+7-дақиқада эса Лассин Синайоко пенальтини аниқ амалга ошириб, ўйинни қўшимча вақтга олиб ўтди. Пенальтилар сериясида ғалаба Мали терма жамоасига насиб этди.

Турнирнинг 1/4 финалида Мали терма жамоаси Сенегал билан куч синашади.

Африка миллатлари кубоги. 1/8 финал
Мали — Тунис - 1:1. Пенальтилар серияси - 3:2
Голлар: 0:1 — Шауат (88), 1:1 — Синайоко (90+6)
Четлатишлар: Кулибали (Мали)