«Реал» бош мураббийи Хаби Алонсо жамоа ҳужумчиси Родриго Гоэснинг келажаги ҳақида сўзлади.

«Родриго ҳужумда универсал — у қанотларда ҳам, марказий ҳужумчи сифатида ҳам ўйнай олади. Йил охирига келиб у сезиларли даражада ўсди, ҳақиқатан ҳам бир нечта сифатли ўйинларни ўтказди ва биз унинг ҳолатидан жуда яхши таассурот олдик.

У биз учун бошқа футболчилар каби муҳим, айниқса Килианнинг йўқлиги ҳисобга олинганда — ҳозирча бу қанча муддат давом этади, аниқ эмас. Бизда турли вариантлар бор ва Родриго шулардан бири бўлиши мумкин», — деди Алонсо.

Жорий мавсумда бразилиялик футболчи «Реал» сафида барча мусобақаларда 21 та учрашувда майдонга тушди, шу вақтда 2 та гол урди ва 4 та самарали узатма амалга оширди.

Родригонинг "Мадрид" билан амалдаги меҳнат шартномаси 2028 йил ёзига қадар тузилган. Transfermarkt портали маълумотларига кўра, футболчининг бозор нархи 60 млн еврони ташкил этади.