«Real» bosh murabbiyi Xabi Alonso jamoa hujumchisi Rodrigo Goesning kelajagi haqida so‘zladi.

«Rodrigo hujumda universal — u qanotlarda ham, markaziy hujumchi sifatida ham o‘ynay oladi. Yil oxiriga kelib u sezilarli darajada o‘sdi, haqiqatan ham bir nechta sifatli o‘yinlarni o‘tkazdi va biz uning holatidan juda yaxshi taassurot oldik.

U biz uchun boshqa futbolchilar kabi muhim, ayniqsa Kilianning yo‘qligi hisobga olinganda — hozircha bu qancha muddat davom etadi, aniq emas. Bizda turli variantlar bor va Rodrigo shulardan biri bo‘lishi mumkin», — dedi Alonso.

Joriy mavsumda braziliyalik futbolchi «Real» safida barcha musobaqalarda 21 ta uchrashuvda maydonga tushdi, shu vaqtda 2 ta gol urdi va 4 ta samarali uzatma amalga oshirdi.

Rodrigoning "Madrid" bilan amaldagi mehnat shartnomasi 2028 yil yoziga qadar tuzilgan. Transfermarkt portali ma’lumotlariga ko‘ra, futbolchining bozor narxi 60 mln yevroni tashkil etadi.