"Челси"нинг собиқ бош мураббийи Энцо Мареска у билан шартномани муддатидан олдин бекор қилгани учун 14 миллион фунт (16,1 миллион евро) товон пули олиши керак эди. Италиялик мутахассиснинг меҳнат шартномаси 2029 йилгача мўлжалланган бўлиб, бир мавсумга узайтирилиши мумкин эди. 1 январь, пайшанба куни Лондон клуби Маресканинг истеъфосини эълон қилди. Бу ҳақда The Sun хабар бермоқда.
Манбага кўра, 45 ёшли мураббий "Челси" раҳбарияти унинг обрўсига путур етказаётгани учун шунчалик ғазабланганки, у билан шартномани бекор қилиш шартларини муҳокама қилмаган. Бундан ташқари, Мареска шифокорларнинг тақиқига қарамай, футболчиларнинг соғлиғини хавф остига қўйишга ва уларни ўйнашга мажбурлашга тайёрлиги ҳақидаги тахминлардан ғазабланган.
Мареска 2024 йилнинг ёзидан буён Лондон клуби бош мураббийи лавозимида ишлаб келаётганди.
