"Chelsi"ning sobiq bosh murabbiyi Enso Mareska u bilan shartnomani muddatidan oldin bekor qilgani uchun 14 million funt (16,1 million yevro) tovon puli olishi kerak edi. Italiyalik mutaxassisning mehnat shartnomasi 2029 yilgacha mo‘ljallangan bo‘lib, bir mavsumga uzaytirilishi mumkin edi. 1 yanvar, payshanba kuni London klubi Mareskaning iste’fosini e’lon qildi. Bu haqda The Sun xabar bermoqda.
Manbaga ko‘ra, 45 yoshli murabbiy "Chelsi" rahbariyati uning obro‘siga putur yetkazayotgani uchun shunchalik g‘azablanganki, u bilan shartnomani bekor qilish shartlarini muhokama qilmagan. Bundan tashqari, Mareska shifokorlarning taqiqiga qaramay, futbolchilarning sog‘lig‘ini xavf ostiga qo‘yishga va ularni o‘ynashga majburlashga tayyorligi haqidagi taxminlardan g‘azablangan.
Mareska 2024 yilning yozidan buyon London klubi bosh murabbiyi lavozimida ishlab kelayotgandi.
