Инсайдер Фабрицио Романо Мадриднинг "Реал" клуби ҳужумчиси Родригога бўлган қизиқиш ҳақида гапирди.
Бразилиялик футболчини анчадан бери "қироллик клуби"дан кетиши билан боғлаб келишмоқда. Таниқли инсайдер январь ойида Родриго сотилиши мумкинлиги ҳақидаги миш-мишларни рад этди, аммо футболчига қизиқиш бўлганини тасдиқлади.
"Ўтган йилнинг ёзида "ПСЖ" Родриго билан боғлиқ вазиятни кузатиб борди ва уни Барколянинг ўринбосари сифатида кўрди. "Манчестер Сити"дан ҳам жиддий қизиқиш бор эди: Савио билан хайрлашган тақдирда Родриго номзоди кўриб чиқилаётганди," - дейди Романо.
"Қаймоқранглилар"нинг 24 ёшли футболчиси transfermarkt порталида 60 млн еврога баҳоланган.
