Римнинг "Лацио" клуби Мадриднинг "Атлетико" клуби ҳужумчиси Жакомо Распадори трансфери бўйича фаол музокаралар олиб бормоқда. Клуб Испания клуби билан эҳтимолий алмашинув бўйича доимий алоқада бўлиб турибди. Битимга римликлар ярим ҳимоячиси Маттео Гендузи ҳам қўшилиши мумкин, шунингдек, "Лацио"га қўшимча пул тўланиши ҳам кўзда тутилган. Бу ҳақда журналист Руди Галетти Х ижтимоий тармоғида маълум қилди.
Гендузига "Атлетико"дан ташқари Туркиянинг "Фенербахче" клуби ҳам қизиқиш билдирган, бироқ ҳозирча Туркия томонидан аниқ таклифлар келиб тушмаган.
Transfermarkt портали Жакомо Распадорини 22 млн еврога баҳоламоқда. Жорий мавсумда ҳужумчи "Атлетико" сафида барча мусобақаларда 13 та ўйинда майдонга тушиб, 2 та гол урди ва 2 та голли узатмани амалга оширди.
