"Ливерпуль" ярим ҳимоячиси Алексис Макаллистер "қизиллар" АПЛда чемпионлик унвонини ҳимоя қила олмаслигини айтди. АПЛнинг 20-турида Арне Слот шогирдлари "Фулхэм" билан дуранг ўйнади.
"Ливерпуль"да чемпионликни сақлаб қолиш учун унчалик кўп имконият йўқ. Бу ҳақда гапирмоқчи эмасман, лекин бу мутлақо аниқ. "Арсенал" жуда яхши формада, "Манчестер Сити" биринчи ўринга анча яқин, аммо биз ўйин даражаси ва натижалар бўйича у билан тенглаша олмаймиз, шунинг учун биз яна чемпион бўлишимиз имкониятини кўрмаяпман," - деди Макаллистер ESPN’га берган интервьюсида.
Айни пайтда "Ливерпуль" АПЛ турнир жадвалида 4-ўринда бормоқда. Қизиллар пешқадам "Арсенал"дан 14 очко ортда қолмоқда.
