"Реал" ярим ҳимоячиси Федерико Вальверде жамоанинг камчиликлари ҳақида фикр билдирди.
"Қаймоқранглилар" якшанба куни Ла Лига доирасида ўз уйида "Бетис"ни тор-мор этди (5:1), аммо уругвайлик хавбекнинг сўзларига кўра, ўйин мукаммалликдан йироқ эди.
"Дастлабки 35 дақиқада биз ўзимизни ажойиб тарзда кўрсатдик, аммо иккала бўлимда ҳам йўл қўйиб бўлмайдиган бўшашиш ҳолатлари кузатилди. Бу борада ўзимизни такомиллаштиришимиз керак," - деди Вальверде ўйиндан кейинги журналистлар билан суҳбатда.
Мадридликлар Испания чемпионати турнир жадвалида 19-турдан кейин 45 очко билан 2-ўринда бормоқда. "Барселона" билан орадаги фарқ 4 очкони ташкил этмоқда.
