"Барселона"нинг ярим ҳимоячи Марк Берналнинг келажаги борасидаги режалари маълум.

18 ёшли футболчи "кўк-анорранглилар" сафида деярли асосий таркибда майдонга тушмаяпти, бу эса унинг ижарага кетиши ҳақидаги миш-мишларга сабаб бўлди. Mundo Deportivo хабарига кўра, каталонияликлар хавбекни қишки трансферлар даврида ижарага олиш бўйича таклифларни кўриб чиқмоқчи эмас, чунки у мавсумнинг иккинчи ярмида Ханс-Дитер Фликка қўл келади. Футболчининг ўзи ҳам кетишни истамайди ва асосий таркиб учун курашишга тайёр.

Марк Берналь жорий мавсумда "Барселона"нинг 10 та ўйинида иштирок этиб, 1 та голли узатмани амалга оширди. Унинг Transfermarkt порталидаги нархи - 10 млн евро.