Бугун, 5 январь куни "Манчестер Юнайтед" португалиялик мутахассис Рубен Аморимни истеъфога чиқарди. У 2024 йилнинг кузидан буён клубда ишлаб келаётган эди.
Журналист Девид Орнштейннинг маълум қилишича, манкунианликлар сафида футболчи сифатида тўп тепган шотландиялик Даррен Флетчер "қизил иблислар" бошқарувчи вазифасини бажарувчи этиб тайинланган. У мавсум якунига қадар жамоани бошқаради.
Айни дамда "Манчестер Юнайтед" 31 очко билан Англия премьер-лигаси турнир жадвалида олтинчи ўринда бормоқда. Сўнгги турда манкунианликлар "Лидс" билан 1:1 ҳисобида дуранг ўйнаган эди.
