"Манчестер Юнайтед" раҳбарияти "Лидс"га қарши АПЛ ўйини олдидан Рубен Аморимни истеъфога чиқаришга қарор қилди.
Бу ҳақда The Telegraph хабар берди. Гап португалиялик мураббийнинг спорт директори Жейсон Уилкокс билан суҳбати ҳақида борди. Суҳбат давомида жамоанинг тактик модели муҳокама қилинди ва Аморим 3-4-3 схемаси бўйича билдирилган фикрларга кескин муносабат билдирди. Клубдагилар бош мураббийга мослашувчанлик етишмаётгани ва у босим остида аниқ рақибга мос келмаса ҳам, ҳар доим ўз тизимига ишонади, деб ҳисоблашди.
Аморимнинг Уилкокс билан мулоқотга муносабати раҳбариятни мураббий жамоа билан ишлашда чегарага етганига ишонтирди. "Лидс" билан ўйинда 1:1 ҳисоби қайд этилган бўлса, 5 январь куниёқ "МЮ" Аморимнинг истеъфосини расман эълон қилди.
