"Манчестер Юнайтед" Рубен Аморим билан хайрлашганидан кейин бош мураббий топиш устида ишламоқда. Клуб жамоанинг ўта беқарор натижалари фонида ўзгариш қилишга қарор қилди.
Manchester World нашрининг хабар беришича, Оле Гуннар Сульшер "Манчестер Юнайтед" мураббийлик курсисига қайтишга қизиқиш билдирган. Норвегиялик "қизил иблислар"га вақтинчалик - мавсум охиригача мураббий бўлишга тайёр.
Шу билан бирга, Сульшернинг "Манчестер Юнайтед" шорт-листидан жой олиши ёки олмаслиги аниқ эмаслиги таъкидланмоқда.
Айни пайтда Оле Гуннар Сульшер ишсиз.
Ёз охирида норвегиялик мутахассис "Бешиктош"ни тарк этганди.
"Манчестер Юнайтед" АПЛ жадвалида олтинчи ўринда бормоқда.
