"Манчестер Сити" ярим ҳимоячиси Кэлвин Филлипс "Вулверхэмптон"га ўтиши мумкин.
FourFourTwo хабарига кўра, "бўрилар" Филлипсни январда мавсум охиригача ижарага олиш имкониятини кўриб чиқмоқда. Қайд этилишича, футболчи "Манчестер Сити"ни тарк этишга тайёр, чунки Пеп Гвардиола мавсумнинг иккинчи қисмида унга умид боғлаши даргумон.
Жорий мавсумда Филлипс "Манчестер Сити" сафида битта ўйинда майдонга тушиб, Англия кубоги доирасида "Хаддерсфилд"га қарши 7 дақиқа ўйнади. Ўтган мавсумда 30 ёшли ярим ҳимоячи "Ипсвич"да ижарада ўйнаган эди.













