Жоау Канселу "Барселона"га қайтишга яқин турибди. Каталония клуби "Ал-Ҳилол" билан португалиялик ҳимоячини мавсум охиригача ижарага олишга келишиб олди.
Фабрицио Романонинг маълум қилишича, келишув суммаси тўрт миллион еврони ташкил этади. Шунингдек, футболчининг "Барселона"даги маоши беш миллион евро атрофида бўлиши ҳам маълум. Трансфер ҳақидаги расмий эълон тез орада эълон қилиниши мумкин.
Канселу жароҳат олиб, камида 4 ойга сафдан чиққан Андреас Кристенсен ўрнига рўйхатдан ўтказилади.
Жорий мавсумда 31 ёшли Канселу 6та ўйинда майдонга тушиб, 1та гол урган ва 2та голга ҳаммуаллифлик қилган.
